..................رثاء الأمل..................
قضيت عمري ناطرة كلمة غزل
ضاع العمر و اللون بالشعر انبدل
و الفكر يبرم كيف ما دار الهوى
و لقلب أعمى و شايف بعينو الأمل
أعمى و غبي بيشوف حالو بالوفا
متل الفراش يحوم و يحب الدفا
متل الفراش يحوم و يحب الدفا
قضى العمر سهران محروم الغفا
متل النحل تعبان و يقدم عسل
ظن العسل بيفيد و يقوي القلب
تاري العسل بيضر و يصيب العصب
مسكين قلبي ضايع و ضاع التعب
وعاش الهوان ولا عرف معنى الملل
و بيعيش بالآمال و الحلم النقي
فارد جناحو و بالمشاعر مرتقي
بس القلب غلطان مجنون و شقي
حساس و الاحساس بيجيب العلل
قلبي عليل و داير يداوي البشر
ويهدي الفرح للناس و يعيش القهر
و يبني أماني و الأماني تنكسر
متل القصور الشامخه فوق الرمل
ليش الغدر يا رمل يا انسان
وليش الكذب قلت الزمن خوّان
مين الزمن ؟ فينا الزمن خلقان
من يوم آدم قال ما كلت و أكل
و فكرت قلّو للقلب عوف الغرام
وعيش بسعادة مزيفه بزيف الكلام
قلي عجيبة كيف قلتيلي حرام
قتل المشاعر و تطلبي مني القتل؟
حاولت اقنع قلب بالحب انكوى
ينسى المحبة يوم تا نكمّل سوى
ينسى المحبة يوم تا نكمّل سوى
داب القلب و الحب للقلب الدوا
يا ريت جسمي مات مستنّى الوفا
ولا مات قلبي و مات بالقلب الأمل
ولا مات قلبي و مات بالقلب الأمل
.................................................
بقلم :
فهيمة يوسف / سوريا
بقلم :
فهيمة يوسف / سوريا
ليست هناك تعليقات:
إرسال تعليق