راح مع غفلة هالعمر
على شراع الأمل رسمت صورتك
وكتبت بالخط العريض ياريت ترجع لديارك
ورميت زورق الحب ببحر الحياة
وتمنيت تزين الدار بهلة انوارك
بعد هسفرة الطويلة ياولف
رحت وبعدت وبعدت وطالت اسفارك
حكيتلي حكاية قلبك الحزين
وحلفتلك بعمرك القصير إحفظ اسرارك
ياريت ياخالد الزمان يعود
وترجع ياعريس الحلا تتفتل بدارك
كسرت قلب إم بدموع العين ربتك
حملت فيك وجابتك وعشقتك من نعومة أظفارك
بكيت عيونا عليك بدل لدموع دم
يوم كنا لساعات طويلة بانتظارك
وشهقة الااااه تسكن الحشى والجوف
نهدات هالقلب تحكي حكاية إصرارك
خالد ياقطعة من الروح يارفيق القلب
اصحى بيوم تفكر نسيناك ولا زولك غاب عن فضا دارك
تمنيت شوفك عريس وبعرسك غنيلك
وشوفك يا عديل الروح مع طلعت نهارك
ورحت مع غفلة هالعمر ساعة مسا
لحضن رب رحيم يمكن ترتاح …
وتركت قلب مكسور على ترحالك
وتركت قلب مكسور على ترحالك
لروحك السلام ياغالي
الله يرحم روحك ياروح خالتك
.......................................
بقلم :
سوسن خيو / سوريا
ليست هناك تعليقات:
إرسال تعليق